Tez tibbiy yordam xizmati sifati, eng avvalo, “103” brigadalarining chaqiriq manziliga o‘z vaqtida yetib borishi bilan o‘lchanadi. Bu jarayonda har bir soniya hisobli, biroq tizim tezligiga salbiy ta’sir etuvchi omillar hamon mavjud.
📞 Yolghon chaqiriqlar — hayot uchun xavf
Ko‘p hollarda yolg‘on chaqiriqlar sababli haqiqiy yordamga muhtoj bemorlarga o‘z vaqtida tibbiy yordam ko‘rsatish imkoni cheklanadi. Bu esa yordam kutayotgan insonlar hayotini xavf ostida qoldirishi mumkin.
📊 Raqamlarga to‘xtalsak
Respublika tez tibbiy yordam markazi direktori Abduvoitjon Gafurovning ma’lumotlariga ko‘ra:
• 2025-yilda jami 3 244 ta yolg‘on chaqiriq kelib tushdi.
• Ushbu ko‘rsatkich 2024-yil bilan taqqoslanganda 531 taga ortgan.
Hududlar kesimidagi statistika:
• Qashqadaryo viloyati — 784 ta (eng ko‘p)
• Surxondaryo viloyati — 499 ta
• Farg‘ona viloyati — 394 ta
• Samarqand viloyati — 337 ta
• Sirdaryo viloyati — 48 ta (eng kam)
📈 Tizimning rivojlanishi
Oxirgi 8 yil mobaynida “103” xizmatida katta o‘zgarishlar amalga oshirildi:
• Shoxobchalar soni: 818 tadan 1 680 taga yetkazildi.
• Brigadalar soni: 1 648 tadan 2 865 taga oshirildi.
• Yetib borish vaqti: Elektron avtomatlashtirilgan boshqaruv tizimi sharofati bilan 25–30 daqiqadan 10–15 daqiqagacha qisqardi.
‼️ Muhim eslatma: Har bir asossiz qo‘ng‘iroq kimningdir hayotini saqlab qolish uchun sarflanishi kerak bo‘lgan oltin daqiqalarni o‘g‘irlaydi.